"Астон Вилла" клуби ва Италия терма жамоаси ҳужумчиси Николо Дзаньолонинг агенти Жанлука Тонгоцци ўз мижозига футбол ўйинларига пул тикиш борасида қўйилган айбловлар ҳақида гапирди.
Агентнинг қайд этишича, форвард ҳеч қачон пул тикмаган.
"У ноқонуний онлайн-платформаларда покер ва блэкджек каби карта ўйинларини ўйнаган бўлиши мумкин, аммо улар ноқонуний эканлигини билмас эди", - деди Тонгоци La Gazzetta dello Sport билан суҳбатда.
Эслатиб ўтамиз, аввалроқ ОАВда ўйинларга пул тикишда гумон қилинганлар рўйхатига 17 нафар футболчи киритилгани, жумладан Сандро Тонали («Ньюкасл») ва Никола Залевски («Рома») борлиги ҳақида хабар берилганди.
