"Сандерленд" ярим ҳимоячиси Жоб Беллингем "Реал"га келиши мумкин.
18 ёшли футболчи худди Жуд каби фаолиятини "Бирмингем"да бошлаган ва шу йилнинг июл ойида у "Сандерленд"га кўчиб ўтган. El Nacional хабарига кўра, "Реал Мадрид" кичик Беллингемга кўз тикмоқда. Испания грандининг скаутлари ҳужумкор ярим ҳимоячининг Англия ёшлар терма жамоасидаги ўйинини томоша қилишди.
Жоб Беллингемнинг трансфер қиймати Transfermarkt экспертлари томонидан 5 миллион еврога баҳоланмоқда. Жорий мавсумда футболчи “Сандерленд” сафида Чемпионшип ва Лига кубогида 12 та ўйин ўтказиб, 2 та гол ва битта голли узатмани амалга оширди.
