Килиан Мбаппенинг келажаги номалумлигича қолмоқда, чунки юлдуз форварднинг "ПСЖ" билан амалдаги шартномаси 2023/2024 йилги мавсум охиригача амал қилади. Лига1 гранди футболчи билан шартномани узайтириш ниятида ва яқин келажакда бу муаммони ҳал қилишга умид қилмоқда.
Todofichajes нашри сўзларига кўра, агар янги шартнома имзоланса, бу узоқ давом этмайди. Бу 2026 йилнинг ўрталаригача бўлган келишув бўлиши мумкин, у ўртача миқдорга сотиб олиш шартини ўз ичига олади.
Айтиш жоизки, миш-мишлар Килиан Мбаппени "Реал" билан боғлашда давом этмоқда. Мадрид клуби ҳужумчини келаси ёзда эркин агент сифатида ўз сафига қўшиб олиши мумкин.