Италия терма жамоаси октябрь ойидаги ўйинлар натижасига кўра, Украина термасидан 3 очкога ортда қолди.
Лучано Спалетти шогирдлари бугун Англияга имкониятни бой бериб қўйган бўлса (1:3), Сергей Ребров шогирдлари худди шу ҳисобда Мальтадан устун келди.
Украина 7 ўйинда 13 очко жамғариб, “C” гуруҳида иккинчи ўринни эгаллаб турибди. Италия 6 учрашувдан кейин 10 очко билан учинчи ўринда бормоқда.
Украиналикларда фақат Италия билан ўйин қолди - улар 20 ноябрь куни тўқнаш келишади. Бунгача Апеннин терма жамоаси Шимолий Македонияга қарши ўйин ўтказади (17 ноябрь).
