Ҳуқуқлари июль ойида "Барселона" томонидан сотиб олинган "Атлетико Паранаэнсе" ҳужумчиси Витор Роке Каталония клубига ўтиши муваффақиятсиз бўлишидан қўрққанми, деган саволга жавоб берди.

“Йўқ, мен бу ерда ўйнашимга доим ишонганман. Бу менинг орзуим эди. Агар бошқа клублар кўпроқ пул таклиф қилишса ҳам, мен барибир "Барселона"ни танлаган бўлардим", - дея Рокенинг сўзларини келтиради Mundo Deportivo.

Форвард январь ойида янги жамоасига ўтиши кутилмоқда. Сентябрь ойида Витор Роке Бразилия чемпионати ўйинида тўпиғининг боғламларини йиртиб олди. Ҳужумчи "Атлетико Паранаэнсе" билан хайрлашув ўйинини ўтказиш учун декабргача тузалиб кетиши кутилмоқда.