"Челси"нинг собиқ ярим ҳимоячиси Хуан Мата Лондон клуби ва Испания терма жамоасидаги собиқ шериги Фернандо Торрес ҳақида ўз фикрлари билан ўртоқлашди.
Ҳозирда Япониянинг “Виссел Кобе” жамоасида ўйнаётган Матанинг сўзларига кўра, уни 2011 йилнинг ёзида “Валенсия”дан “Челси”га ўтишга Торрес кўндирган.
"Челси"га ўтиш қароримда Торрес мен учун жуда муҳим эди. У менга қизиқиш пайдо бўлишидан олдин ҳам қўнғироқ қилиб, вазият қандай эканини, клуб ва мураббий менга қандай кераклигини айтди. Бу қароримни осонлаштирди", - дея Мата сўзларини келтиради Marca.
Эслатиб ўтамиз, Мата 2011 йилдан 2014 йилгача "Челси"да ўйнаган.
