Бразилиялик ҳужумчи Неймар жароҳати ҳақида фикр билдирди.
Ҳужумчининг хочсимон боғлами йиртилиб, мавсумнинг қолган қисмида майдонга туша олмайдиган бўлди.
«Бу жуда қайғули лаҳза, фаолиятимдаги энг ёмони. Мен кучлиман, лекин бу сафар менга дўстлар ва оиламнинг ёрдами керак бўлади.
Жароҳатлардан қутилиш осон эмас. Қўллаб-қувватлаганликлари учун барчага миннатдорчилик билдираман», - дейилади ҳужумчининг ижтимоий тармоқлардаги постида.
Эслатиб ўтамиз, Неймар ЖЧ-2026 саралаши доирасидаги Уругвай терма жамоасига қарши ўйинда жароҳат олган эди. Футболчига майдонни тарк этиш учун замбил керак бўлди.
