"Манчестер Сити" ва Аргентина терма жамоасининг машҳур собиқ ҳужумчиси, ҳозирда "Индепендьенте" бош мураббийи Карлос Тевес ҳушини йўқотиб, уйида йиқилиб тушгач, шифокорларга мурожаат қилишга мажбур бўлди.
39 ёшли Тевес йиқилиш пайтида бошидан жароҳат олган. Қизи уни касалхонага олиб борди, у ерда чап кўзининг тепасига чок қўйиб, қўйиб юборилди, дея хабар бермоқда Ole нашри.
Воқеа содир бўлганига қарамай Тевес "Индепендьенте"ни миллий чемпионат доирасида "Барракас Сентраль" жамоасига қарши ўйинда (3:0) бошқара олди.
