Франция терма жамоаси бош мураббийи Дидье Дешам жамоа ҳужумчиси Килиан Мбаппенинг ўтган ўйинлардаги ўйини ҳақида гапирди.
Бунгача Франция терма жамоаси 2024 йилги Европа чемпионати саралаш баҳсида Нидерландияни мағлуб этган (2:1), назорат ўйинида ҳам шотландияликларни мағлуб этганди – 2:1. Эслатиб ўтамиз, Мбаппе иккита ўйинда учта гол урди ва битта голли узатмани амалга оширди.
"Килиан ҳақиқий сардордек ҳаракат қилди. У майдонда катта куч сарфлади ва ҳимояда бизга ёрдам берди. Мен унга керакли эркинликни бераман. У ўтган ўйинларда бутун жамоамиз каби порлади", - деди Дешам beIN Sports билан суҳбатда.
Франция терма жамоаси навбатдаги учрашувини 18 ноябрь куни Гибралтарга қарши ўтказади.
