Жуд Беллингем "Манчестер Сити"нинг фойдали таклифини рад этгани маълум бўлди.
Англиялик ярим ҳимоячи 2023 йилнинг ёзида Дортмунднинг "Боруссия" клубидан Мадрид клубига ўтган эди. "Реал"да йилига 10-12 миллион евро ишлаб олиши хабар қилинганди.
The Athletic нашри хабарига кўра, "Реал Мадрид" ходимлари орасида Беллингем Премьер-лигада кўпроқ маош олади, деган фикр кенг тарқалган. Футболчининг ўзи жамоадошларига "Манчестер Сити"да каттароқ пул ишлаб олиши мумкинлигини айтди, бироқ у ҳар доим "Реал Мадрид"нинг буюклигига кўпроқ жалб қилинган.
"Қироллик клуби" сафида 10 учрашувда Жуд 10 гол ва 3 голли узатмани амалга оширди.
