Луис Суаресни яна Лионель Месси билан бир жамоада кўриш эҳтимоли ошиб бораётгани ҳақида бир неча кун олдин хабар берган эдик - "Интер Майами" раҳбарияти у ҳақида аллақачон қарор қабул қилган. Буни юз фоиз бўлмасада, клуб бош мураббийи Херардо Мартино ҳам тасдиқлади:
"Биз ҳали расман ҳеч нарсага қарор қилганимиз йўқ, аммо кейинги мавсум учун Луис Суарес билан режамиз бор. Бу бўйича режа мавжуд. Вақт келиши билан биз қўшимча маълумот берамиз", - дея Херардо Мартино сўзларини келтиради Италиянинг ITASportPress ахборот агентлиги.
Эслатиб ўтамиз, Суарес сўнгги бор Бразилиянинг "Гремио" жамоасида ўйнаган.