Икки карра Италия чемпиони ва "Интер" таркибида 1997/98 йилги УЕФА кубогини қўлга киритган Альваро Рекоба Уругвайнинг "Насьонал" клуби бош мураббийи этиб тайинланди.
47 ёшли Рекоба учун бу унинг профессионал жамоа бош мураббийи сифатидаги илк тажрибаси бўлади.
Бунгача Уругвай терма жамоасининг собиқ футболчиси ва ЖЧ-2002 иштирокчиси "Монтевидео" клубида бош мураббий ёрдамчиси бўлиб ишлаган.
"Наcьонал" - дунёдаги энг номдор клублардан бири; у 49 марта Уругвай чемпионлигини қўлга киритган, шунингдек, уч марта Либертадорес кубогини ютган. Ҳаммаси бўлиб "Насьонал"да юздан ортиқ совринлар бор.
