Италия терма жамоасининг собиқ футболчиси Фабио Каннаваронинг фикрича, Италия 2032 йилги Европа чемпионатига муносиб тайёргарлик кўриши керак. 2006 йилда "Олтин тўп"ни қўлга киритган Каннаваро ҳозирги вазиятни мутлақо қониқарсиз деб ҳисоблайди.
"Италия, эҳтимол, стадионлардаги қулайликлар бўйича энг ёмон мамлакатдир. Стадионга бориш истаги йўқ, хизмат йўқ, қулайликлар йўқ, сервис йўқ. Футбол шунчаки майдондаги ўйин эмас" - деди Каннаваро fcinter1908.it билан суҳбатда.
Каннаваро Италия терма жамоасида 1997 йилдан 2010 йилгача ўйнаган, унинг таркибида 136 та ўйин ўтказган.
