Мадриднинг “Реал” клубининг германиялик ярим ҳимоячиси Тони Кроос энг яхши футболчиларнинг Саудия Арабистони ва МЛС клубларига оммавий трансфери борасидаги фикрлари билан ўртоқлашди ва 38 ёшли ҳужумчи Криштиану Роналдунинг “Ан-Наср”га ўтганини ҳам мисол қилиб келтирди.
"Саудия Арабистонига ўтиш мен учун турли муаммолар туфайли МЛСга қараганда футболга салбий таъсир кўрсатиш нуқтаи назаридан қийинроқ. Ва бу пул ҳақида ҳам эмас. Инсон ҳуқуқлари? Ҳа, бу мени бундай ўтишга тўсқинлик қиладиган нарсалардан бири. Лекин бу қарорни ҳар ким ўзи учун қабул қилиши керак, худди ўз фаолиятининг охирида буни қилишга қарор қилган Криштиану Роналду каби.
Бироқ фаолиятининг чўққисида бўлган, Европанинг топ-клубларида ўйнаш учун сифатларга эга бўлган футболчилар бундай қадамлар ташлашга қарор қилишса, жуда қийин бўлади. Ва кейин улар у ерда амбиция ва унвонлар учун ўйнашларини айтишади, лекин ҳаммаси пулда. Бундан буён эса ҳаммамиз биладиган ва севадиган футбол учун қийин бўлади", - деди Кроос Sports Illustrated билан суҳбатда.
