"Ал-Ҳилол" футболчилари ва мухлислари Неймарни қўллаб-қувватлашди.
"Ал-Халиж" билан ўйин олдидан "Ал-Ҳилол" футболчилари, жумладан, Малком ҳам Неймарнинг футболкаси билан суратга тушишди.
Жамоа мухлислари эса трибунага бразилиялик футболчининг сурати ва "Кучлироқ қайтинг" ёзуви туширилган баннерни ёйишди.
Эслатиб ўтамиз, Неймар ЖЧ-2026 учун Жанубий Америка саралаши доирасида Уругвай терма жамоасига қарши ўйинда жароҳат олганди - бразилиялик футболчини замбилда майдондан олиб чиқиб кетишди. Кейинчалик форвардга хочсимон лигаментлари шикастлангани ва мениск йиртилгани ташхиси қўйилди - у камида олти ойни ўтказиб юборади.
