2003 йилги "Олтин тўп"нинг собиқ ғолиби, шунингдек, Туриннинг "Ювентус" клуби собиқ вице-президенти Павел Недвед яна Италия матбуоти хабарларига киритилди. Тўғри, бу сафар шарафли сабабдан узоқда.
Гап шундаки, футболчилик фаолиятини бошлаган Павел Недведнинг ўғли - кичик Недвед аллақачон ўзини салбий томонларини кўрсатишга улгурди. Пьемонт минтақавий лигасида ўйнаётган ўзининг "Ла Нуова Ланцезе" клуби сафида у қизил карточка олди, шундан сўнг у ҳакамга ҳақоратомуз сўзларни айтди.
Италиянинг ITASportPress ахборот агентлиги хабарига кўра, ушбу воқеадан кейин кичик Недвед олтита ўйинга дисквалификация қилинди.
Недведнинг ўз ўғли билан гаплашадиган гаплари кўпайиб қолибди...
