Англия Премьер-лигасининг 9-туридан ўрин олган "Шеффилд Юнайтед" – "Манчестер Юнайтед" (1:2) учрашувида ёқимсиз воқеа содир бўлди, дея хабар бермоқда The Sun нашри.

77-дақиқада "манкунианликлар" ҳал қилувчи голни киритишди ва меҳмонлар дарвозаси ёнида муваффақиятларини нишонлашни бошладилар. Шу пайт мухлислардан бири йиғма стулни футболчиларга улоқтирган. Яхшиямки, ҳеч ким жабрланмади, аммо стулни улоқтирган мухлис топилмади.

9 та ўйиндан сўнг "Манчестер Юнайтед" 15 очко билан АПЛ турнир жадвалида 8-ўринда бормоқда.