"Манчестер Юнайтед" афсонаси сэр Бобби Чарльтоннинг вафоти шанба куни маълум бўлди.

"Манчестер Сити"нинг баъзи мухлислари шаҳарнинг икки клуб ўртасидаги рақобатини ифодалашда ҳаддан ошиб кетишди. Ижтимоий тармоқларда "шаҳарликлар" мухлислари хурсандчилик билан "Bobby's in a box" иборасини куйлаётган видео пайдо бўлди, бу ўзбекчада "Бобби тобутда" деб таржима қилиниши мумкин.

Сэр Бобби Чарльтон 86 ёшида вафот этди. У тарихдаги энг буюк англиялик футболчиларидан бири. 1966 йилда Чарльтон "Олтин тўп"ни қўлга киритган.

Эслатиб ўтамиз, шанба куни “Манчестер Сити” ва “Манчестер Юнайтед” мос равишда “Брайтон” ва “Шеффилд Юнайтед”га қарши ўйинда ғалаба қозонган (2:1).