“Ан-Наср” бош мураббийи Луиш Каштру Саудия Арабистонида футбол ривожи ҳақида гапирди.
“Албатта, саудияликлар ҳам дунёнинг энг яхши лигалари билан бир хил амбицияларга эга – буюк бўлиш. Бу жуда оддий тенглама ва Саудия Арабистони буюк бўлишни хоҳлаётгани мени ажаблантирмайди. Улар футболчилар, мураббийлар билан катта шартномалар тузадилар... Лекин энг яхши бўлиш учун пул сарфлаш жамиятнинг барча соҳаларида бўлгани каби табиий жараён.
Агар сиз соғлиқни сақлашни яхшилашни истасангиз, тиббиётга сармоя киритасиз, яхшироқ таълим олишни истасангиз, унга сармоя киритасиз, яхшироқ технологияни хоҳласангиз, унга сармоя киритасиз, агар сиз яхшироқ уй-жой қуришни истасангиз, ижтимоий уй-жой дастурларига сармоя киритасиз... Футболда ҳам шундай", - дея Каштру сўзларини келтиради Marca.
