"Барселона" клубининг афсонавий футболчиси Йоxан Кройф вақтинчалик фаолиятини тўxтатиб турган Xосеп Гвардиоланинг келажаги ҳақида ўз фикрларини билдириб ўтди.
"Пеп ҳали жуда ёш. У фаолиятини якин орада якунламайди. У албатта қайтади. Қайтганда ҳам қандайдир янгилик олиб кириб қайтади. Қандай янгилик эканини эса ҳеч ким билмайди. Пепга терма жамодаги иш тўғри келмайди. У доим футболчилар билан алоқада бўлиши керак. Термада эса бунинг иложи йўқ. Агар у ўз фаолиятини клубда давом эттирадиган бўлса, унинг методига тўғри келадиган жойни топиши керак бўлади. У ерда Пепга xотиржамлик ва футболдан роҳатланадиган муxлислар керак бўлади",-дейди Кройф.