"Бавария" марказий ҳимоячиси Маттейс де Лигт Чемпионлар лигаси доирасидаги "Галатасарой"га қарши ўйин олдидан журналистлар билан суҳбатлашди.
“Бизни қийин учрашув кутмоқда. "Галатасарой" ҳар доим тўлиқ стадионда ўйнайди ва жамоани жуда ажойиб қўллаб-қувватлашади. "Галатасарой" таркибида энг кучли чемпионатларда ўйнаган кўплаб ажойиб футболчилар бор.
Мавсум боши мен учун оғир кечди, жароҳатдан фориғ бўлишим керак эди. Албатта, ҳар қандай футболчи имкон қадар тез-тез ўйнашни хоҳлайди. Энди мен формага қайтдим, жамоага ёрдам бермоқчиман", - дея де Лигт сўзларини келтиради журналист Алфредо Педулла.