«Реал Мадрид» ҳали ҳам ўз дарвозабони Тибо Куртуани юқори баҳоламоқда, у бу мавсумда майдонга қайтмаслиги мумкин. Журналист Хорхе Пиконнинг сўзларига кўра, бельгиялик футболчи раҳбарият томонидан қўллаб-қувватланмоқда ва клуб ҳали ҳам узоқ муддатда унга таянишини тушуниб турибди.
Эслатиб ўтамиз, мавсум бошланишидан олдин Куртуа тиззасининг хоч боғламларини шикастлаб олганди. Бу воқеа «Реал Мадрид» раҳбариятини трансфер бозорига киришга мажбур қилди. Карло Анчелотти жамоаси асосий дарвозабон ролини ўйнаш учун Лондоннинг «Челси» жамоасидан Кепа Аррисабалагани ижарага олди. Шу билан бирга, «қироллик клуби» мавсум охирида дарвозабонни сотиб олишга мажбур эмас.
