“Ан-Наср” Осиё чемпионлар лигаси гуруҳ босқичи 3-тури доирасидаги ўйинда Қатарнинг “Ал-Дуҳаил” клубини мағлуб этди – 4:3.

Мезбонлар ҳужумчиси Криштиану Роналду ушбу ўйинда дубль қайд этди (61 ва 81-дақиқалар) ва голли узатмани амалга оширди. Яна голларга Садио Мане (56) ва Андерсон Талиска (25) муаллифлик қилишди.

Меҳмонлар сафида Исмоил Муҳаммад (63), Алмоез Али (67) ва Майкл Олунга (85) гол уришди. Жамоа ярим ҳимоячиси Фелипе Коутиньо битта голли узатмани амалга оширди.

Осиё чемпионлар лигасининг “E” гуруҳида “Ан-Наср” 9 очко билан пешқадамлик қилмоқда. “Ал-Дуҳаил” учинчи ўринда (1 очко).

Осиё чемпионлар лигаси гуруҳ босқичи 3-туридан ўрин олган яна бир учрашувда Эроннинг “Персеполис” жамоаси ўз майдонида Тожикистоннинг “Истиқлол” жамоасини қабул қилиб, 2:0 ҳисобида ғалаба қозонди. Ўйиндаги иккала голга Сейид Садеги муаллифлик қилди.