Учрашувнинг энг яхши футболчиси унвони "Манчестер Юнайтед" ярим ҳимоячиси Кристиан Эриксенга насиб этди.
Даниялик футболчи "Копенгаген"га қарши баҳсда танаффусда майдонга тушди, аммо жамоасининг якуний муваффақиятида муҳим роль ўйнай олди. “Қизил иблислар” 1:0 ҳисобида ғалаба қозонишди, Эриксен 72-дақиқада Гарри Магуайрнинг ягона голига ассистентлик қилди. Якунда Андре Онана пенальтини бартараф этди, аммо айнан 31 ёшли ярим ҳимоячи УЕФА томонидан учрашувнинг энг яхши футболчиси совринини олди.
"Манчестер Юнайтед" бугунги ғалабадан сўнг "А" гуруҳида учинчи ўринга кўтарилиб олди.