Uchrashuvning eng yaxshi futbolchisi unvoni "Manchester Yunayted" yarim himoyachisi Kristian Eriksenga nasib etdi.
Daniyalik futbolchi "Kopengagen"ga qarshi bahsda tanaffusda maydonga tushdi, ammo jamoasining yakuniy muvaffaqiyatida muhim rol o‘ynay oldi. “Qizil iblislar” 1:0 hisobida g‘alaba qozonishdi, Eriksen 72-daqiqada Garri Maguayrning yagona goliga assistentlik qildi. Yakunda Andre Onana penaltini bartaraf etdi, ammo aynan 31 yoshli yarim himoyachi UYEFA tomonidan uchrashuvning eng yaxshi futbolchisi sovrinini oldi.
"Manchester Yunayted" bugungi g‘alabadan so‘ng "A" guruhida uchinchi o‘ringa ko‘tarilib oldi.