"Бавария" дарвозабони Мануэль Нойер яқин орада майдонга қайтишга умид қилмоқда.
Мюнхенликлар сардори Германия терма жамоаси ЖЧ-2022дан чиқиб кетганидан кўп ўтмай олган жароҳати туфайли ўтган йил охиридан бери майдонга тушмаяпти. Томас Тухель келаётган ўйинларда 37 ёшли дарвозабонга умид боғлаши кутилмоқда.
Бироқ журналист Тоби Альтсхеффлнинг фикрича, Нойер "Бавария" билан янги шартнома борасида музокара бошлашга шошилмаяпти. Аввало, футболчи майдонга қайтиш ва оптимал ўйин формасини олиш ниятида, шундан сўнг музокаралар бошланса керак.
Эслатиб ўтамиз, Мануэль Нойернинг амалдаги шартномаси келаси йилнинг ўрталарида якунига етади.