"Bavariya" darvozaboni Manuel Noyer yaqin orada maydonga qaytishga umid qilmoqda.
Myunxenliklar sardori Germaniya terma jamoasi JCH-2022dan chiqib ketganidan ko‘p o‘tmay olgan jarohati tufayli o‘tgan yil oxiridan beri maydonga tushmayapti. Tomas Tuxel kelayotgan o‘yinlarda 37 yoshli darvozabonga umid bog‘lashi kutilmoqda.
Biroq jurnalist Tobi Altsxefflning fikricha, Noyer "Bavariya" bilan yangi shartnoma borasida muzokara boshlashga shoshilmayapti. Avvalo, futbolchi maydonga qaytish va optimal o‘yin formasini olish niyatida, shundan so‘ng muzokaralar boshlansa kerak.
Eslatib o‘tamiz, Manuel Noyerning amaldagi shartnomasi kelasi yilning o‘rtalarida yakuniga yetadi.