«Монпелье» ҳимоячиси Мамаду Сако машғулот вақтида бош мураббий билан муштлашиб қолди, деб хабар бермоқда Get Football News France.

Манбага кўра, франциялик футболчи ва Мишель дер Закарян ўртасидаги можаро икки томонлама машғулот вақтида содир бўлган.

Яъни, мураббий футболчининг жуда суст ўйнаётгани учун танбеҳ берган, футболчи эса уни туртиб юборган, шундан сўнг бош мураббий ерга йиқилди.

Жорий мавсумда «Ливерпул»нинг собиқ футболчиси Франция чемпионатининг фақат битта ўйинида қатнашиб, олти дақиқани майдонда ўтказди.