Лондоннинг “Арсенал” клуби ёзда “Вест Хэм”дан ярим ҳимоячи Деклан Райсни сотиб олганидан афсусда эмас. Журналист Фабрицио Романо берган маълумотларга кўра, "канонирлар" англиялик футболчининг майдонда ҳам, унинг ташқарисида ҳам жамоага қўшган ҳиссасидан тўлиқ мамнун.
Эслатиб ўтамиз, ёзда “Арсенал” Райс учун 116 миллион евро тўлаган эди. Англиялик футболчи Лондон клуби тарихидаги энг қиммат футболчига айланди. Манба берган маълумотларга кўра, раҳбарият сарфланган пулдан умуман афсусланмайди.
Райс жорий мавсумда Англия Премьер-лигасининг 9 учрашувида иккита гол урди. Бу голлар "Манчестер Юнайтед" ва "Челси"га қарши ўйинларда киритилган.
