«Манчестер Юнайтед» дарвозабони Андре Онана марказий ҳимоячи Харри Магуайрни кечаги Чемпионлар лигаси гуруҳ босқичи 3-тури доирасидаги «Копенгаген»га қарши учрашувнинг бош қаҳрамони деб атади.

Эслатиб ўтамиз, англиялик футболчи ўйиндаги ягона голни киритиб, жамоасига ғалаба келтирганди.

«Харри гол уришга муваффақ бўлганидан жуда хурсандман. У ўйин қаҳрамонига айланди ва мен у учун жуда хурсандман.

Магуайр яна яхши ўйин кўрсата бошлади. Биз жамоа сифатида бир хил руҳда ҳаракат қилишда давом этишимиз керак.

Шунда биз янада кучайишимизга ишончим комил», - деди Онана ўйиндан кейин берган интервьюсида.