Жерар Пике "Америка Қироллар Лигаси" тақдимоти вақтида саҳнадан йиқилиб тушди.
Тадбирдан сўнг "Барселона"нинг собиқ ҳимоячиси мухлислар олдига дастхат бериш учун борган, бироқ телефонда гаплашиб, саҳна четини сезмаган ва йиқилиб тушган.
Пике жиддий жароҳатдан қутулиб қолди. Маросим ходимлари унга ўрнидан туришга ёрдам беришди, шундан сўнг собиқ футболчи дастхат ёзиб, ҳамма билан суратга тушишга муваффақ бўлди.
"Америка Қироллар Лигаси", Испания медиа лигасининг Америка версияси 2024 йилнинг январь ойида бошланади. Турнир ўйинлари Мехико шаҳрида бўлиб ўтади.
Турнир элчилари орасида Хамес Родригес ва Хавьер Эрнандес бор.