Матбуотда "Монпелье" ҳимоячиси Мамаду Сако машғулот вақтида жамоа бош мураббийи билан муштлашиб кетгани ҳақида маълумот пайдо бўлди.
L’Equipe нашри хабарига кўра, воқеа натижасида клуб 33 ёшли Сако билан шартномани бекор қилиши мумкин.
Сако "Монпелье"да 2021 йилнинг августидан буён ўйнамоқда. Ўшандан бери ҳимоячи 49 та расмий ўйинда майдонга тушиб, битта гол ва битта голли узатма ёздириб қўйган.
Айни дамда "Монпелье" Франция чемпионати турнир жадвалида 14-ўринда бормоқда. Жамоа навбатдаги ўйинини 29 октябрь, якшанба куни ўз майдонида "Тулуза"га қарши ўтказади.
