Германиянинг «Байер» клуби бош мураббийи Хаби Алонсо солиқ тўлашдан бўйин товлагани учун жазоланмайди.
Mundo Deportivo нашрининг хабар беришича, Испания Олий суди прокурорнинг шикоятини рад этган.
Эътиборлиси, гап Алонсо гўёки 2010 йилдан 2012 йилгача бўлган даврда давлат ғазнасига солиқ тўламаган икки миллион евро ҳақида кетмоқда.
41 ёшли мутахассис ўтган йилнинг октябрь ойидан бери «Байер»ни бошқариб келмоқда. Айни дамда унинг жамоаси саккиз турдан кейин 22 очко билан Германия чемпионати турнир жадвалида пешқадамлик қилмоқда.