Неймар "Барселона"ни тарк этганидан афсусда.
Бразилиялик ҳужумчи 2017 йилда Каталония клубидан "ПСЖ"га 222 миллион евро эвазига ўтган эди. Бу ёзда форвардда назарий жиҳатдан "Барса"га қайтиш имконияти пайдо бўлди - парижликлар у билан ҳисоблашмасликларини айтишди.
Diario Sport хабарига кўра, "Барселона" спорт директори Деку футболчининг жамоага қайтиш истаги бор-йўқлигини билиш учун унинг оиласи билан боғланган. Бироқ, "блауграна" фақат минимал миқдорда форвард ижараси ёки трансферни ўз зиммасига олиши мумкин эди.
Кейинчалик Неймар араблардан фойдали таклифни олгач, "Ал-Ҳилол"га ўтди. "Барселона" бразилиялик футболчини бир мавсумга ижарага олиш вариантини кўриб чиқди, аммо саудияликлар бундай келишувга қарши эди.
Қайд этилишича, футболчининг ўзи ҳамиша "Барса"га қайтишни хоҳлаган, чунки у буни тарк этишни хато деб ҳисоблаган.
