Жоау Феликс жароҳатига қарамай "Реал"га қарши ўйнай олади.
“Барселона” ярим ҳимоячиси Чемпионлар лигаси доирасида “Шахтёр” билан ўйиннинг (2:1) 75-дақиқасида жароҳати сабаб алмаштирилди. Дастлабки текширувлар футболчи жиддий жароҳатдан қутулиб қолганини кўрсатди.
Португалиялик ноқулайлик сезди ва жиддийроқ муаммоларга дуч келмаслик учун майдонни тарк этишга қарор қилди. Катта эҳтимол билан у 28 октябрь куни бўлиб ўтадиган "Реал" билан ўйинда иштирок этиши мумкин.
Жорий мавсумда Феликс “Барса” сафида барча турнирларда 10 та ўйин ўтказиб, 3 та гол ва 3 та голли узатмани амалга оширди.
