Про лигада мавсум якунланди. Мусобақа регламентига кўра, лигада дастлабки икки ўринни эгаллаган «Локомотив» ҳамда «Динамо» жамоалари Суперлига «чиптасига» эга чиқишди. Суперлиганинг сўнгги йўлланмаси эса ўтиш ўйинлари орқали аниқланади.
Унга кўра, дастлаб Про лигада 4 ҳамда 5-ўринларни эгаллаган «Машъал» ҳамда «Шўртан» жамоалари 15 ноябрь куни ўзаро кураш олиб боради. Мазкур беллашув ғолиби 7 кундан кейин Про лиганинг учинчи жамоаси – «Қўқон-1912»га қарши саф тортади.
Плей-оффнинг ҳар икки ўйинида ҳам ғолибни асосий вақтда аниқлашнинг имконияти бўлмаса, навбат қўшимча дақиқаларсиз пенальтилар сериясига берилади. Плей-офф ғолиби якунда Суперлиганинг 12-жамоасини ўз уйида кечадиган ўтиш ўйинида қабул қилади.
