Германиянинг «РБ Лейпциг» клуби бош мураббийи Марко Розе кеча Чемпионлар лигаси гуруҳ босқичи доирасида «Срвена Звезда»га қарши ўйин ҳақида гапирди. «Буқалар» 3:1 ҳисобида зафар қучди.
«Биз бу ғалабадан хурсандмиз. Ҳақли равишда уч очкони қўлга киритдик. Жамоа астойдил ҳаракат қилди, ажойиб старт олди ва чиройли гол урди.
Шундан сўнг рақиб бир нечта яхши қарши ҳужумларни амалга оширди ва бу биз учун огоҳлантириш бўлди.
Ўша оқшом рақиб нимага умид қилгани бизга аён бўлди», - дея мутахассиснинг сўзларини келтиради УЕФА матбуот хизмати.
