"ПСЖ" бош мураббийи Луис Энрике ярим ҳимоячи Уоррен Заир-Эмерини "Милан"га қарши ўйин учун юқори баҳолади.
Эслатиб ўтамиз, 17 ёшли франциялик футболчи ўйиннинг энг яхши футболчиси деб топилди. Ярим ҳимоячи иккита голли узатмани амалга ошириб, жамоасининг 3:0 ҳисобида ғалаба қозонишига ёрдам берди.
"Мен нима дейишим мумкин? Унинг савиясига, ҳар бир ўйинда ўйнашига ва машғулотларига қаранг. Заир-Эмери гўё 17 эмас, 34 ёшдагидек ўйнаяпти", - деди Энрике "Милан" билан ўйиндан кейин ўтказилган матбуот анжуманида.
Эслатиб ўтамиз, аввалроқ Заир-Эмери "ПСЖ" билан шартномасини узайтиришга яқин экани ҳақида хабарлар тарқалган эди. Уоррен катта миқдорда маош олиши керак.
