"Манчестер Сити" бош мураббийи Пеп Гвардиола ўз жамоасини кучайтириш билан шахсан ўзи шуғулланмоқда. Бу ҳақда Bayern & Germany нашри хабар бермоқда.
Манбага кўра, испаниялик мураббий Германия ва "Бавария" ҳужумчиси Жамол Мусиалани трансфер қилишдан манфаатдор. Англия топ-клуби жорий мавсум охирида футболчи билан шартнома имзолашни режалаштирмоқда.
"Бавария" ўз навбатида 20 ёшли форвардни йўқотишни истамаяпти ва унга янги шартнома таклиф қилишга тайёр. Жамолнинг клуб билан амалдаги шартномаси 2026 йилнинг ёзига қадар мўлжалланган.
Transfermarkt ҳужумчининг нархини 110 миллион еврога баҳоламоқда.
