“Рома” бош мураббийи Жозе Моуриньо Европа лигасининг 3-турида “Славия” устидан қозонилган ғалаба (2:0) ҳақида фикр билдирди.

"Прессинг - бу рақиб каби ўйнашдан қочишнинг бир усули ва биз буни биринчи бўлимда яхши бажардик. Иккинчи ярмида энергия ва интенсивлик пасайди. Бизда алмаштиришларсиз ўйнайдиган ўйинчилар бор, шунинг учун шиддатлилик пасайиб кетгани аниқ. “Славия” бизнинг ярим майдонда ўйнади, лекин биз доимо вазиятни назорат қила олдик.

Эл Шаарави ҳамма жойда ўйнайди. У биз учун жуда фойдали футболчи, у жамоада муҳим. Лукаку? У ҳамма жойда ва ҳар бир турнирда гол уради: у сиз учун бўлса, жамоанинг ғалаба қозониш имконияти кўпроқ бўлади", - дея Моуриньонинг сўзларидан иқтибос келтиради УEФА матбуот хизмати.

“Рома” 9 очко билан "G" гуруҳида пешқадамлик қилмоқда. “Славия” 6 очко билан иккинчи ўринда бормоқда.