«Бавария» дарвозабони Мануэль Нойер узоқ вақт танаффусдан сўнг ниҳоят шу ҳафта охирида майдонга қайтади.
Журналист Флориан Плеттенберг хабарига кўра, бош мураббий Томас Тухель Бундеслиганинг навбатдаги ўйинида, «Дармштадт»га қарши баҳсда Нойерга имкон беради. Манбанинг таъкидлашича, қарор аллақачон қабул қилинган.
Эслатиб ўтамиз, Нойер жаҳон чемпионатидан сўнг чанғи учиш вақтида олган жароҳати туфайли 10 ойдан кўпроқ вақт давомида майдонга туша олмади.
Мануэль оёғини синдириб олди ва узоқ вақт давомида «Бавария» ва Германия терма жамоасига ёрдам бера олмади.
Жорий мавсумда мюнхенликлар жамоасининг биринчи рақами Свен Улрайх бўлди, у узоқ вақтдан бери Нойернинг ўрнига ўринбосар ролини ўйнаб келмоқда.
