Мадриднинг «Реал» клуби яқин орада жамоани тарк этадиган хорватиялик ярим ҳимоячи Лука Модричга ўринбосар қидирмоқда.
Тажрибали футболчининг МЛС ва Саудия Арабистонида ўйнаш имкониятлари бор.
Todofichajes хабарига кўра, «қироллик клуби» 38 ёшли Модрич ўрнига Англия терма жамоаси ва «Арсенал» ярим ҳимоячиси Деклан Райсни қўлга киритмоқчи. Потенциал трансфер суммаси 100 миллион евро атрофида бўлиши мумкин.
Деклан ўтган ёзда «Вест Хэм»дан «канонирлар» лагерига кўчиб ўтганди. 24 ёшли футболчи Лондоннинг топ-клуби билан 5 йиллик меҳнат шартномасини имзолади.
