Мюнхеннинг "Бавария" клуби ўз дарвозабони Мануэль Нойер билан шартномани узайтиришни режалаштирмоқда, у бугун "Дармштадт"га қарши ўйинда 10 ой ичида илк марта майдонга тушиши керак. Эслатиб ўтамиз, германиялик посбон аввалроқ жаҳон чемпионатидан кейин оёғи синган эди.

Журналист Николо Скиранинг хабарига кўра, "Бавария" германиялик дарвозабоннинг келаси ёзда тугайдиган шартномасини узайтириш учун яқин ҳафталарда Нойер билан музокараларни бошлайди. Мюнхенликлар Мануэль билан 2025 йилнинг июнигача шартнома имзоламоқчи.

Эслатиб ўтамиз, 37 ёшли Нойер “Бавария”да 2011 йилнинг ёзидан бери ўйнаб келмоқда.