"Манчестер Сити" марказий ҳужумчиси Эрлинг Холанд Англия Премьер-лигасининг ўнинчи турида "Манчестер Юнайтед"га қарши кечаги ўйинда дубль қайд этди. Учрашув 3:0 ҳисобида “шаҳарликлар”нинг ғалабаси билан якунланди.
Бунинг эвазига норвегиялик форвард Премьер-лигадаги Манчестер дербиси тарихидаги “гол+пас” тизимидаги энг яхши 5 нафар футболчи қаторига кирди. У учта ўйинда саккиз очко олди.
Энг яхши кўрсаткич "Қизил иблислар"нинг собиқ ярим ҳимоячиси Раян Гиггзга тегишли - 29 ўйинда 13 очко.
Жорий мавсумда Холанд Англия чемпионатида ўнта ўйин ўтказди. Ҳужумчи 11 та гол ва иккита голли узатмани амалга оширди.
