"Насаф" жамоаси кеча, 28 декабрь куни ўзининг 2012 йилдаги охирги машғулотини ўтказди. Бугун эса Фозил Мусаев "Бунёдкор"га ўтди, деган хабарлар чиқди.

Тўғри, Фозил "Бунёдкор"га ўтиб кетди. Усиз ҳам "Насаф" бўлган, бўлаверади ҳам, фақат ўйлаб қоласанда киши, ўзи Фозил қандай бу даражага эришди? "Насаф" бунга сабабчи, ўша 2008 йилда 19 яшар ўсмирни "Насаф" асосий таркибда ўйнатди, катта футболга қадам ташлаттирди, кейин таркибда рақобат кучайиб, уни "Машъал"га ижарага берди. Лекин 2011да яна "Насаф"га қайтариб, Осиёга танитди, Фозил "Насаф"да Фозил бўлди.

Энди уни жамоани ташлаб кетгани ўтиб тушди. Майли, кетсин, кетсин ҳуууув хорижга, лекин нега "Бунёдкор"га? Биламиз, ҳозир ҳамма бу мақолани тагига, "Насаф"ни аҳволи шу, пул йўқ, у-бу деб ташлайди, лекин бу асоссиз, "Насаф" молиявий жиҳатдан барқарор, кўз тегмасин.

Ўзи бундай олиб қараганда тўғри, Фозил маҳаллий эмасда, жамоага бутун умр содиқ қоладиган, кетадида. Ўтган йили худди шунақа ҳолат Лутфулла Тўраев билан ҳам бўлганди. Маҳаллий бўлмаса-да, ўзи ўйнаётган клубга содиқ футболчилар бор, лекин улар кўп эмас. "Насаф"да қолган футболчилар ҳам ана шулар сарасига киради, деб ўйлаймиз.

Севимли клубимиз Зуҳуров билан ҳам шартномани бекор қилибди, албатта-да, охирги 3та ўйинда қилган “иш”ларидан кейин уни жамоада ушлаб қолиш, мантиқсизликдан бошқа нарса бўлмасди.

Шунинг учун мана, "Насаф" ПОСТИга Бердиев ўтирди, ўзимизникида, ўзимизникиларни йиғаяпти. Қойил. "Насаф"нинг жонкуяр мухлислари хафа бўлманг, ҳали бизда Фозилдек ўйинчилар кўплаб топилади. Энди буёғига "Насаф"дан “кетиш”лар бўлмайди, бунинг учун Бердиевдан битта яхлит жамоани тузишига ишонамиз. "Насаф"га содиқларни!

Фозилга эса нима бўлган тақдирда ҳам келгуси фаолиятига омад ва зафарлар тилаб қоламиз!

Ренат Эрназаров