Мидори Хонда бошчилигидаги футбол бўйича Ўзбекистон аёллар терма жамоаси Париж-2024 Олимпиадаси йўлида ҳал қилувчи 3-босқичга йўл олди. “C” гуруҳидан ўрин олган жамоамиз 6 очко билан энг яхши натижа қайд этган 2-ўрин соҳиби сифатида кейинги даврага ўтди. Гуруҳдаги сўнгги турда Ҳиндистон 3:0 ҳисобида мағлубиятга учратилди.
Ҳал қилувчи босқичга Австралия, КХДР, Япония ва Ўзбекистон жамоалари йўл олди. Энди ушбу жамоалар ўртасида қуръа ташланиб, 2 та жуфтлик шакллантирилади. Келаси йилнинг 24-28-февраль кунлари уй-сафар тизимида ўтадиган ўйинларда ўз жуфтлигида ғалаба қозонган 2 жамоа Париж-2024 Олимпиадасига йўлланма олади.
Ўзбекистон 3:0 Ҳиндистон
Голлар: Н.Қудратова 2, Л.Карачик 51, 83
