"ПСЖ" ҳужумчиси Килиан Мбаппе "Реал"нинг энг муҳим трансфер мақсади бўлиб қолмоқда.
Трансфер ўтган ёзда амалга ошиши мумкин эди, аммо "қироллик клуби" "ПСЖ" сўраган суммани тўлашни истамади. Мбаппе катта эҳтимол билан мавсум охирида эркин агентга айланади - унинг парижликлар билан 2024 йилнинг июнида тугайдиган шартномаси ҳали узайтирилмаган. Madrid Xtra нашрининг инсайдер Фабрицио Романога таяниб хабар беришича, франциялик юлдуз футболчини қўлга киритиш "Реал" ва Флорентино Переснинг орзуси бўлиб қолмоқда ва "ПСЖ" бу ҳақда билади. Қишки трансфер ойнаси ёпилгандан кейин янги достон бошланиши мумкин.