"PSJ" hujumchisi Kilian Mbappe "Real"ning eng muhim transfer maqsadi bo‘lib qolmoqda.
Transfer o‘tgan yozda amalga oshishi mumkin edi, ammo "qirollik klubi" "PSJ" so‘ragan summani to‘lashni istamadi. Mbappe katta ehtimol bilan mavsum oxirida erkin agentga aylanadi - uning parijliklar bilan 2024 yilning iyunida tugaydigan shartnomasi hali uzaytirilmagan. Madrid Xtra nashrining insayder Fabrisio Romanoga tayanib xabar berishicha, fransiyalik yulduz futbolchini qo‘lga kiritish "Real" va Florentino Peresning orzusi bo‘lib qolmoqda va "PSJ" bu haqda biladi. Qishki transfer oynasi yopilgandan keyin yangi doston boshlanishi mumkin.