"Астон Вилла" марказий ҳимоячиси Пау Торрес "Реал"га ўтиши мумкин бўлганлиги ҳақидаги саволга жавоб берди.
Шу йилнинг июль ойида испаниялик футболчи “Вильярреал”ни “Астон Вилла”га алмаштирди. Футболчининг ўзи олдинроқ "қироллик клуби"га ўтиши мумкин бўлганлигини тан олди.
“Мен “Реал” ва “Барселона” каби клубларга ҳеч қачон “йўқ” демайман. Уларга йўқ дейишнинг иложи йўқ. Баъзи музокаралар бўлди [Реал Мадрид билан], лекин якунда улар Давид Алабани эркин агент сифатида ўз сафига қўшиб олишга қарор қилишди", - дея 26 ёшли футболчининг сўзларини келтиради Relevo.
Пау Торреснинг трансфери “Астон Вилла”га 30 миллион евродан кўпроққа тушди.