"Барселона" ярим ҳимоячиси Илкай Гюндоган клубга ўтганидан афсусда эмас, дея хабар беради футболчининг рафиқаси.
Ўтган ёзда германиялик ярим ҳимоячи "Манчестер Сити"дан эркин агент сифатида "блауграна" сафига қўшилди. Маълумотларга кўра, яқинда "Эл-Класико"да "Реал"дан учралган мағлубиятдан сўнг Гюндоган жамоадошларининг ўйинидан ва умуман клубнинг амбицияларидан норозилигини билдирган.
“Биз бу ерда жуда хурсандмиз. Бизга ҳамма нарса ёқади - клуб, одамлар, шаҳар. Биз “Барселона” ходимлари томонидан катта қўллаб-қувватландик”, — деб ёзди Сара Гюндоган ижтимоий тармоқларда юқоридаги миш-мишлар ҳақида сўралганда.